யாழ்ப்பாணம் , தையிட்டி பகுதியில் அமைந்துள்ள சட்டவிரோத விகாரைக்கு எதிராக இன்றைய தினம் திங்கட்கிழமை(09.11.2026) மழைக்கு மத்தியிலும் போராட்டம் முன்னெடுக்கப்பட்டது.
தையிட்டியில் , தனியார் காணிகளை அடாத்தாக கையகப்படுத்தி , எவ்வித அனுமதிகளும் இன்றி விகாரை அமைக்கப்பட்டுள்ளது.
குறித்த விகாரையை அகற்றி , காணிகளை அதன் உரிமையாளர்களிடம் கையளிக்க கோரி நீண்ட காலமாக போராட்டம் முன்னெடுக்கப்பட்டு வருகிறது.
இந்நிலையில் , குறித்த விகாரையில் , மத சடங்கு ஒன்று இன்றைய தினம் மிக பெரியளவில் நடைபெற்றுதுடன் , அதற்காக தென்னிலங்கையில் இருந்து நூற்றுக்கணக்கான பௌத்தர்கள் அழைத்து வரப்பட்டனர்.
அந்நிலையில், விகாரை அமைந்துள்ள காணி உரிமையாளர்கள் , நாடாளுமன்ற உறுப்பினர் கஜேந்திரகுமார் பொன்னம்பலம் உள்ளிட்ட அரசியல்வாதிகள் போராட்டத்தில் ஈடுபட்டனர்.
What’s your Reaction?
