உள்ளூர் புதியவை முக்கிய செய்திகள்

சிறுவர் மற்றும் பெண்கள் எதிர்கொள்ளும் பிரச்சினைகளுக்குத் துரித தீர்வு காண்பது தொடர்பில் யாழில். விசேட கலந்துரையாடல்..!

special discussion held in jaffna to address issues faced by children and women | Pathivu News
பாலின அடிப்படையிலான வன்முறைகளைத் தடுத்தல் மற்றும் அவற்றால் பாதிக்கப்படுபவர்களுக்குத் துரிதமான பதிலளிப்பு மற்றும் தீர்வுகளை வழங்குதல் தொடர்பில் அரச மற்றும் அரச சார்பற்ற நிறுவனங்களின் பங்குதாரர்களுடனான மாவட்ட மட்டக் கலந்துரையாடல், மாவட்ட மேலதிக செயலர் க. சிவகரன் தலைமையில் நேற்றைய தினம் செவ்வாய்க்கிழமை மாவட்டச் செயலகக் கேட்போர் கூடத்தில் நடைபெற்றது.
பிரதேச மட்டங்களில் அடையாளம் காணப்பட்டு, உரிய மட்டங்களில் தீர்க்கப்பட முடியாத பிரச்சினைகளுக்குத் தீர்வுகளைப் பெற்றுக்கொடுப்பதற்கான அணுகுமுறைகள் மற்றும் ஆலோசனைகளை முன்வைப்பதே இக்கலந்துரையாடலின் பிரதான நோக்கமாக அமைந்தது.
இதன்போது, சிறுவர் மற்றும் பெண்கள் எதிர்கொள்ளும் பிரச்சினைகள், குடும்பப் பிரச்சினைகள், குடும்ப அட்டை தொடர்பான சிக்கல்கள், வீட்டுத்திட்ட உதவிகள், பிறப்புச் சான்றிதழ்களைப் பெற்றுக்கொள்ளுதல், கல்வி தொடர்பான பிரச்சினைகள், மனநலப் பாதிப்புக்குள்ளானவர்களுக்கான பராமரிப்பு இல்லங்களின் தேவை உள்ளிட்ட பல்வேறு விடயங்கள் ஆராயப்பட்டன. தீர்க்கப்படாமல் நிலுவையில் உள்ள பிரச்சினைகள் தொடர்பில் சம்பந்தப்பட்ட துறைசார் அதிகாரிகளின் ஊடாகத் தீர்வுகளைப் பெற்றுக்கொடுப்பதற்கான ஆலோசனைகளும் வழங்கப்பட்டன.
இக்கலந்துரையாடலில் உதவி மாவட்டச் செயலாளர் உ. தர்ஷினி, யாழ்ப்பாணம் போதனா வைத்தியசாலையின் நட்பு நிலையப் பொறுப்பதிகாரி வைத்தியர் ஸ்ரீ ராம், மாவட்ட பெண்கள் அபிவிருத்தி உத்தியோகத்தர் கி. தயாபரி, வலயக் கல்விப் பணிப்பாளர்கள், நிர்வாக கிராம அலுவலர்கள், சமுர்த்தி இணைப்பாளர்கள், பெண்கள் அபிவிருத்தி உத்தியோகத்தர்கள், சிறுவர் பாதுகாப்பு உத்தியோகத்தர்கள், சமூக சேவை உத்தியோகத்தர்கள், பொலிஸ் உத்தியோகத்தர்கள் உள்ளிட்ட பல்வேறு துறைசார் உத்தியோகத்தர்கள் கலந்து கொண்டனர்.
Pathivu News Pathivu NewsPathivu News Pathivu NewsPathivu News

You may also like

e0aeb0e0aebee0ae9ce0aeaae0ae95e0af8de0aeb7e0ae95e0af8de0ae95e0aeb3e0af81e0ae95e0af8de0ae95e0af81 e0ae8ee0aea4e0aebfe0aeb0e0aebee0aea9 | Pathivu News
உள்ளூர்

ராஜபக்ஷக்களுக்கு எதிரான ஊழல்களின் விசாரணைகள் ஆரம்பிக்கப்ட்டுள்ளது

கடந்த காலத்தில் சர்ச்சைகளை ஏற்படுத்திய ராஜபக்ஷக்களுக்கு எதிரான அனைத்து ஊழல்
e0aeaee0af81e0aeb2e0af8de0aeb2e0af88e0aea4e0af8de0aea4e0af80e0aeb5e0aebfe0aeb2e0af8d e0aeb5e0aeb0e0af8de0aea4e0af8de0aea4e0ae95 e0aea8 | Pathivu News
உள்ளூர்

முல்லைத்தீவில் வர்த்தக நிலையமொன்று தீக்கிரையானது

முல்லைத்தீவு சிலாவத்தை பகுதியில் கடை ஒன்று எரிந்த சம்பவம் செவ்வாய்க்கிழமை
பாடலைத் தேர்ந்தெடுக்கவும்
00:00
00:00
🔊