பூநகரி பலநோக்குக் கூட்டுறவுச் சங்கத்தின் புதிய நிரந்தரக் கட்டடத்திற்கான அடிக்கல் நாட்டு விழா, அதன் குமுழமுனைக் கிளையில் மிகச் சிறப்பாக நடைபெற்றது.
இந்நிகழ்வில் பிரதம விருந்தினராக இலங்கைத் தமிழ் அரசுக் கட்சியின் நாடாளுமன்ற உறுப்பினர் சிவஞானம் சிறீதரன் கலந்துகொண்டு, புதிய கட்டடத்துக்கான அடிக்கல்லினை நாட்டினார்.
கிளிநொச்சி மாவட்ட மேனாள் அரசாங்க அதிபரும், பூநகரி பல நோக்கு கூட்டுறவுச் சங்கத்தின் மேனாள் தலைவரும், சிறந்த கூட்டுறவாளருமான அமரர் திருநாவுக்கரசு இராசநாயகம் அவர்களின் கூட்டுறவு ஞாபகார்த்த வார நிகழ்வும் கூட்டுறவாளர்கள் கௌரவிப்பு விழாவும் இதன்போது நடைபெற்றது.
பூநகரி பலநோக்குக் கூட்டுறவுச் சங்கத்தின் தலைவர் திரு. சிங்கராசா செல்வகுமார் தலைமையில் நடைபெற்ற இந்நிகழ்வில், பூநகரி பிரதேச சபையின் தவிசாளர் கௌரவ சிவகுமாரன் சிறீரஞ்சன், மதத் தலைவர்கள், பிரதேச சபையின் கௌரவ உறுப்பினர்கள், பூநகரி பலநோக்குக் கூட்டுறவுச் சங்கத்தின் இயக்குநர் சபை, பொதுச்சபை உறுப்பினர்கள், பொது முகாமையாளர், சங்கத்தின் பணியாளர்கள் மற்றும் நலன்விரும்பிகள் கலந்துகொண்டனர்.
What’s your Reaction?
