அயர்லாந்து கிரிக்கெட் அணி ஜிம்பாப்வேயில் சுற்றுப்பயணம் செய்து 3 போட்டிகள் கொண்ட ஒருநாள் தொடரில் விளையாடி வருகிறது. முதல் ஒருநாள் போட்டியில் ஜிம்பாப்வே வென்று தொடரில் 1-0 என முன்னிலை வகித்தது.
இந்நிலையில், இரு அணிகளுக்கு இடையிலான 2-வது ஒருநாள் போட்டி ஹராரே மைதானத்தில் நேற்று நடந்தது. நாணய சுழற்சியில் வென்ற அயர்லாந்து பந்துவீச்சு தேர்வு செய்தது.
அதன்படி, முதலில் துடுப்பெடுத்தாடிய சிம்பாப்வே அணி 49 ஓவரில் 245 ஓட்டங்களுக்கு சகல விக்கெட்டுகளையும் இழந்தது.
வெஸ்லி மாதேவரே 61 ஓட்டங்களும் சிக்கந்தர் ராசா ஓட்டங்களும் எடுத்தனர்.
அயர்லாந்து சார்பில் மார்க் அடேர் 4 விக்கெட்டும், கர்டிஸ் கேம்பர் 3 விக்கெட்டும் வீழ்த்தினர்.
இதையடுத்து, 246 ஓட்டங்கள் எடுத்தால் வெற்றி என்ற இலக்கை நோக்கி அயர்லாந்து களமிறங்கியது.
ஆரம்ப துடுப்பாட்ட வீரர் ஆட்டக்காரர் பால்பிர்னி 11 ஓட்டங்களுக்கு ஏமாற்றினார்.
அடுத்து இணைந்த பால் ஸ்டிர்லிங்-கர்டிஸ் கேம்பர் ஜோடி சிறப்பாக விளையாடியது. இருவரும் அரை சதமடித்து அசத்தினர். பால் ஸ்டிர்லிங் 89 ஓட்டங்களும் கர்டிஸ் கேம்பர் 63 ஓட்டங்களும் எடுத்து ஆட்டமிழந்தனர்.
இறுதியில், அயர்லாந்து அணி 48.4 ஓவரில் 4 விக்கெட்டுக்கு 249 ஓட்டங்கள் அடித்து, 6 விக்கெட் வித்தியாசத்தில் வெற்றி பெற்றது.
இதன்மூலம் 3 போட்டிகள் கொண்ட ஒருநாள் தொடர் 1-1 என சமநிலையில் உள்ளது.
மூன்றாவது மற்றும் கடைசி ஒருநாள் போட்டி நாளை (18-ம் தேதி) நடைபெற உள்ளது.
