2023 ஆம் ஆண்டில் இலங்கையின் மொத்த உள்நாட்டு உற்பத்திக்கு மேல் மாகாணம் அதிகூடிய பங்களிப்பை வழங்க முடிந்துள்ளதாக இலங்கை மத்திய வங்கி தெரிவித்துள்ளது.
இதன் பெறுமதி 43.7மூ என மத்திய வங்கி வெளியிட்டுள்ள அறிக்கையில் தெரியவந்துள்ளது
எவ்வாறாயினும், கடந்த வருடத்துடன் ஒப்பிடுகையில் பங்களிப்பு சற்று குறைந்துள்ளதாக தெரிவிக்கப்பட்டுள்ளது.
மேல் மாகாணத்தில் இந்த பங்களிப்பில் சேவை மற்றும் கைத்தொழில் துறைகள் குறிப்பிடத்தக்க பங்களிப்பை வழங்கியுள்ளன.
இதற்கிடையில், மொத்த உள்நாட்டு உற்பத்தியில் வடமேல் மற்றும் மத்திய மாகாணங்களுக்கு முறையே இரண்டாவது மற்றும் மூன்றாவது இடத்தை வகிக்கின்றது
அதன்படி, வடமேல் மாகாணம் 10.9மூ மற்றும் மத்திய மாகாணம் 10.3மூ பங்களிப்பை வழங்கியுள்ளது.
கடந்த வருடத்துடன் ஒப்பிடுகையில் குறைந்த வேகத்தில் காணப்பட்டாலும், அனைத்து மாகாணங்களின் பெயரளவிலான மொத்த உள்நாட்டு உற்பத்தியானது 2023 ஆம் ஆண்டில் வளர்ச்சியடைந்துள்ளது.
அத்துடன் கடந்த வருடம் இலங்கையின் பெயரளவிலான மொத்த உள்நாட்டு உற்பத்தி 27,630 பில்லியன் ரூபாவாக இருந்ததாக மத்திய வங்கி வெளியிட்டுள்ள அறிவிப்பில் மேலும் தெரிவிக்கப்பட்டுள்ளது.
