அமெரிக்கர்களால் பல தாக்குதல் அலைகள் நடந்துள்ளன, ஆனால் மூன்றாவது அலை இதுவரை இல்லாத அளவுக்கு மிகப்பெரியதாக இருக்கும் என அமெரிக்க வெளியுறவு அமைச்சரான மார்கோ ரூபியோ கடுமையாக எச்சரித்துள்ளார்.
அமெரிக்க கூட்டுப் படைத் இராணுவத்தின் தலைவரான டொன் கெய்ன் திங்களன்று, அந்தப் பிராந்தியத்திற்குள் இன்னும் அதிகமான இராணுவத் தளவாடங்களை நகர்த்தி வருவதாகக் கூறியதை நாம் கேள்விப்பட்டதற்கு இது பொருந்தும் என சுட்டிக்காட்டியதாகவும் தெரிவித்துள்ளார்.
சனிக்கிழமை தாக்குதல்கள் தொடங்கியதிலிருந்து ஈரான் முழுவதும் கிட்டத்தட்ட 2,000 இலக்குகளைத் தாக்கியுள்ளதாகவும், ஒரு நீர்மூழ்கிக் கப்பல் உட்பட 17 ஈரானிய கப்பல்களை அழித்ததாகவும் அமெரிக்க இராணுவ மத்திய கட்டளை (CENTCOM) தலைவர் அட்மிரல் பிராட் கூப்பர் கூறுகிறார்.
இந்த நடவடிக்கையில் அமெரிக்காவிலிருந்து 50,000 க்கும் மேற்பட்ட துருப்புக்கள், 200 போர் விமானங்கள், இரண்டு விமானம் தாங்கிக் கப்பல்கள் மற்றும் குண்டுவீச்சு விமானங்கள் பங்கேற்கின்றன என்றும் சுட்டிக்காட்டியுள்ளார்.
மத்திய கிழக்கில் ஒரு தலைமுறையில் நடந்த மிகப்பெரிய அமெரிக்க இராணுவக் குவிப்பு இது என்று அவர் கூறியுள்ளார்.
2003 ஆம் ஆண்டு ஈராக் மீதான அமெரிக்க படையெடுப்பின் ஆரம்ப கட்டங்களில் நடந்த “அதிர்ச்சி மற்றும் பிரமிப்பு” குண்டுவெடிப்புகளை விட அமெரிக்காவும் இஸ்ரேலும் ஈரான் மீது கிட்டத்தட்ட இரண்டு மடங்கு தாக்குதல்களை நடத்தியுள்ளதாக கூப்பர் மேலும் தெரிவித்துள்ளார்.
