ஈஸ்ட்டர் தாக்குதல்கள் தொடர்பில் விசாரணைகளை மேற்கொள்வதற்கு குழுக்களை அமைக்குமாறு ரணில் விக்கிரமசிங்கவை திருச்சபை கோரவில்லையென அருட்தந்தை சிறில் காமினி பெர்னாண்டோ தெரிவித்துள்ளார்.
பிவித்துரு ஹெல உறுமய தலைவர் குழப்பங்களை ஏற்படுத்தவேண்டாம் எனவும் சிஐடியினர் விசாரணைகளை மேற்கொள்ள அனுமதிக்கவேண்டும் என ஊடக பேச்சாளர் அருட்தந்தை சிறில் காமினி பெர்னாண்டோ வேண்டுகோள் விடுத்துள்ளார்.
பொதுமக்கள் பாதுகாப்பு அமைச்சின் செயலாளராக ஓய்வுபெற்ற சிரேஸ்ட பிரதி பொலிஸ்மா அதிபர் ரவிசெனிவரட்ண நியமிக்கப்பட்டதோ அல்லது ஷானி அபயசேகர மீண்டும் பணிக்கமர்த்தப்ட்டமை பற்றி கத்தோலிக்க திருச்சபைக்கு பிரச்சினையுமில்லை என அருட்தந்தை சிறி;ல் காமினி பெர்ணாண்டோ சுட்டிக்காட்டியுள்ளார்.
உயிர்த்த ஞாயிறுதாக்குதல் பேரழிவு குறித்து பெருமளவு அறிக்கைகள் வெளியாகியுள்ளன, சிஐடியினர் இது குறித்து பக்கச்சார்பற்ற விசாரணைகளை முன்னெடுக்கட்டும், அவர்கள் உண்மையை கண்டுபிடிப்பார்கள் என நம்பிக்கை கொண்டுள்ளதாக அவர் குறிப்பிட்டுள்ளார்.
முன்னைய அரசாங்கம் ஷானி அபயசேகரவை நீக்கிய பின்னர் தாக்குதல் குறித்து விசாரணைகளில் முன்னேற்றம் ஏற்படவில்லை
தொடர்ச்சியான அரசியல் தலையீடுகளால் உயிர்த்த ஞாயிறுதாக்குதல் விசாரணைகள் பாதிக்கப்பட்டுள்ளதாக அவர் கவலை வெளியிட்டுள்ளார்.
எதிர்வரும் நாடாளுமன்ற தேர்தலில் அரசியல் இலாபம் தேடுவதற்காக உதயகம்மன்பில இந்த விடயத்தை கையில் எடுத்தாரா என அருட் தந்தை கேள்வி எழுப்பியுள்ளார்.
