யாழ்ப்பாண மாவட்டச் செயலக சிறுதொழில் முயற்சி அபிவிருத்திப் பிரிவினால் ஏற்பாடு செய்யப்பட்ட 2026 ஆம் ஆண்டுக்கான முயற்சியாண்மை அபிவிருத்தி வதிவிடப் பயிற்சி நெறியின் (EDP) இறுதி நாள் நிகழ்வும் சான்றிதழ் வழங்கும் நிகழ்வும் நேற்றைய தினம் திங்கட்கிழமை அரியாலை சர்வோதய நிலையத்தில் சிறப்பாக நடைபெற்றது.
கடந்த 14ஆம் திகதி ஆரம்பிக்கப்பட்ட இவ்வதிவிடப் பயிற்சி நெறி, தொடர்ச்சியாக 08 நாட்கள் இடம்பெற்றதுடன், இளம் முயற்சியாளர்களின் தொழில் முயற்சித் திறன்கள், வணிக முகாமைத்துவம் மற்றும் தொழில் முயற்சிகளை வெற்றிகரமாக முன்னெடுப்பதற்குத் தேவையான அறிவு மற்றும் திறன்களை மேம்படுத்தும் நோக்கில் நடத்தப்பட்டது.
சிறுதொழில் முயற்சி அபிவிருத்திப் பிரிவின் உதவிப் பணிப்பாளர் எஸ். சசீபனின் தலைமையில் நடைபெற்ற இறுதி நாள் நிகழ்வில் , யாழ். மாவட்ட செயலர் ம. பிரதீபன் முதன்மை விருந்தினராகக் கலந்து கொண்டு, பயிற்சி நெறியை வெற்றிகரமாக நிறைவு செய்த இளம் முயற்சியாளர்களுக்கு சான்றிதழ்களையும் வழங்கி வைத்தார்.
சான்றிதழ் வழங்கும் நிகழ்வில் மேலதிக செயலர் கே. சிவகரன், உதவி மாவட்டச் செயலாளர் உ. தர்சினி மற்றும் சிறுதொழில் முயற்சி அபிவிருத்திப் பிரிவின் உத்தியோகத்தர்கள் ஆகியோர் பங்குபற்றினார்கள்.
What’s your Reaction?
