யாழ் மாவட்ட நாடாளுமன்ற உறுப்பினரும்; வைத்தியருமான இராமநாதன் அர்ச்சுனாவுக்கு எதிராக யாழ்ப்பாணம் போதனா வைத்தியசாலையின் பணிப்பாளர் த.சத்தியமூர்த்தி முன்வைத்த முறைப்பாடு தொடர்பில் காவல்துறையினர் இன்றைய நீதிமன்றில் சமர்ப்பணங்களை முன்வைக்கவுள்ளனர்.
யாழ்ப்பாணம் போதனா வைத்தியசாலைக்குள் அனுமதியின்றி நுளைந்து தமது கடமைகளுக்கு இடையூறு விளைவித்ததுடன், தம்மை அச்சுறுத்தியதாகவும் அர்ச்சுனாவுக்கு எதிராக வைத்தியர் த. சத்தியமூர்த்தி யாழ்ப்பாணம் பொலிஸாரிடம் முறைப்பாடு செய்துள்ளனர்
இந்த சம்பவம் தொடர்பான விசாரணைகளை யாழ்ப்பாணம் காவல்துறையினர் முன்னெடுத்துள்ளனர்.
இந்தநிலையில் குறித்த விசாரணைகளுக்கு அமைய, தங்களது சமர்ப்பணங்களை யாழ்ப்பாணம் நீதவான் நீதிமன்றில் இன்றைய தினம் முன்வைக்கவுள்ளதாக யாழ்ப்பாணம் காவல்நிலையத்தின் பொறுப்பதிகாரி தெரிவித்தார்.
வைத்தியர் இராமநாதன் அர்ச்சுனா யாழ்ப்பாணம் போதனா வைத்தியசாலையின் பணிப்பாளர் த.சத்தியமூர்த்தியை அச்சுறுத்திய காணொளி ஒன்று வெளியாகியுள்ளது.
